Ткацтва

          Ткацтва, вышыванкі, выцінанкі

	Ручнік – кавалак тканіны абрадавага, дэкаратыўнага і ўтылітарнага прызначэння. Ручнік ільняны, тканы. Прышыты карункі. Для штодзённага і дэкаратыўнага ўбрання абразоў.
	Карункі – (рус. кружева),  вязалі кручком, выраблялі з ільняных нітак для ўпрыгожвання ручнікоў, бялізны, адзення.
	Абрус (настольнік) – тканы выраб, прызначаны для засцілання стала. Палатняны, з вышытымі птушкамі і сцяблінамі з лісточкамі зялёнага колеру і вінаградам.
	Посцілка – узорысты вышываны выраб утылітарнага, дэкаратыўнага прызначэння, від мастацкіх тканін, прамавугольнай формы, для засцілання падушак на ложку, для ўпрыгожвання інтэр’ера сялянскай хаты.
	Пояс – дэкаратыўнае ўпрыгожанне адзення, звычайна стракатых колераў. Паясы плялі, ткалі або вязалі
	Ручнік – кавалак тканіны абрадавага, дэкаратыўнага і ўтылітарнага прызначэння. Ручнік ільняны, тканы, з узорам блакітных і жоўтых і зялёных колераў нітак.  Прышыты карункі. Служыў для штодзённага і дэкаратыўнага ўбрання абразоў.
	Ходнік – даматканы  выраб з узорам, які засцілалі на падлогу  Доўгая паласа баваўнянай тканіны. Фон шэры часцей ў палоскі. Ніткі карычневага, зялёнага, белага, жоўтага колераў.
	Ходнік – даматканы  выраб з узорам, які засцілалі на падлогу  Круглыя ходнікі рабілі з ласкутоў, плялі рукамі або з дапамогай кручка. Колеры падбіралі розныя: чырвоны, жоўты, белы, сіні.
	Выцінанка  - від народнага дэкаратыўнага мастацтва. Назва  паходзіць ад слова - "выцінаць", г.з. "выразаць". Гэта ўпрыгожанні з паперы ў выглядзе арнаментаў, сілуэтных кампазіцый. З ХІХ стагоддзя выкарыстоўваліся для аздаблення сцен,вокнаў, паліц,печаў. Па выцінанцы можна было прачытаць сюжэт – што адбылося ў вёсцы, хто нарадзіўся, ці было ў хаце вяселле.
	Дыван — шчыльны тканы выраб з пражы рознага роду (ці сінтэтычная яго імітацыя), які ўжываецца для пакрыцця падлог, сцен, часам іншых паверхняў у памяшканні (сталоў, канап і г.д.) у дэкаратыўных ці ўцяпляльных мэтах. Дыван — адно з найстаражытнейшых вынаходстваў для дэкаравання і ўцяплення любога жытла. На працягу шматлікіх стагоддзяў дыван быў не толькі сімвалам дастатку, але і прадметам мастацтва, паколькі для яго вырабу патрабавалася працяглая карпатлівая ручная праца.
	Вышыўка "Кветкі", макатка – від мастацтва. У вяночку з кветак ромб. Зроблена з дапамогай спецыяльнай іголкі. Нацягвалася на раму палатно. На левай старане макаткі маляваўся ўзор. Спецыяльнай іголкай з ніткай рабілася вышыўка. Прыгожы, пушысты малюнак аказваўся на правай старане. Белы фон. Ніткі  чырвоныя, зялёныя, сінія, бардовыя, фіялетавыя, аранжавыя.
	Ільновалакно пасля першапачатковай апрацоўкі на льномялцы.
	Капялюш саламяны — галаўны ўбор, які складаецца з тульі - якая пакрывае галаву - і палёў. Капялюш можа выкарыстоўвацца як сродак абароны галавы і валасоў (ад ападкаў, ветру, сонца), а таксама можа выконваць і дэкаратыўную функцыю
	Пляценне з саломы выкарыстоўвалася для дэкаратыўнага аздаблення інтэр’ера сялянскай хаты.
	Шпалеры саламяныя (рэканструкцыя) – элемент упрыгожвання інтэр’ера сялянскай хаты.
	Ла́пці — традыцыйны сялянскі абутак, плецены з лыка (лазовага, ліпавага), пяньковых або льняных вітушак ці тонкіх вяровак. У мэтах надання трываласці падэшву лапцей падпляталі лазой, вяроўкамі і падшывалі скурай.