Ганчарныя вырабы

Ганчарныя вырабы,  драўляны посуд, прадметы побыту

	Гарлач — гліняны посуд з выцягнутым тулавам, пукатымі бакамі, звужанай шыйкай і шырэйшым за дно вусьцем.
	Гладыш – гліняны посуд, тое, што і гарлач. Выкарыстоўваецца для захоўвання малака і малочных вырабаў. Вядомы большасці народаў свету.
	Свісцёлкі гліняныя – цацкі з гліны, часцей у выглядзе птушак, з адтулінамі для свістання.
	Кораб (каробка)- ёмістасць для захоўвання зерня, авальны, сплецены з саломы. Падстаўка – саламянае звяно. Мае  вентыляцыю.
	Сявенька (сявалка) – плеценая пасудзіна, ёмістасць для ручной сяўбы. Лакальная назва сяўня. Зроблена з саломы, круглая, унізе звужаная. Памеры: вышыня 17, даўжыня 36, шырыня 33 см.
	Рэшата – прылада для прасейвання мукі ці зерня. Абечак – з лубу, дно – з валасяной сеткі. Круглая прылада.
	Апалушка  – невялікая начоўка для ачысткі (правейвання) зерня ў хатніх умовах. Для рошчыны на бліны, пірагі.
	Чыгун, чыгунок – пасудзіна для гатавання ежы ў печы на адкрытым вогнішчы.
	Лямпа керасінавая –  прылада для штучнага асвятлення памяшкання з дапамогай спальвання газы (керасіна). Складаецца з балона і са шкла з завужаным верхам.
	Вулічны ліхтар — ужываецца ў вулічным асвятленні для штучнага павелічэння аптычнай бачнасці на вуліцы ў цёмны час сутак.
	Ліхтар — пераносная ці стацыянарная штучная крыніца святла.
	Прас (жалязка)  –  прылада для адгладжвання бялізны  і  адзення. Вугальны. Награваўся пры дапамозе гарачага вугалю, які засыпаўся ўнутр. З драўлянай ручкай. Метал, дрэва.
	Кошык плецены з ліпы, ліпаўка. Від пасудзіны плецены з ліпавых стужак, выкарыстоўваўся для заховання прадуктаў харчавання.
	Відэлец пач. ХХ стагоддзя. Зроблены з жалеза,  нямецкі выробнік, ручка з рога казулі.
	Лыжка драўляная